प्रश्न १. एका वाक्यात उत्तरे लिहा
(१) नानाकाका आनंदाने का डोलत होते ?
उत्तर - वाऱ्यावर डोलणारे पिकलेल्या भाताचे पीक पाहिल्यामुळे नानाकाका आनंदाने डोलत होते.
(२) सर्वच उंदीर पिंपापासी का धावत आले ?
उत्तर - तळलेल्या भज्यांच्या खमंग वासामुळे सर्वच उंदीर पिंपापाशी धावत आले..
(३) झाडाच्या आडोशाला कोण लपून बसले होते ?
उत्तर - झाडाच्या आडोशाला नानाकाका लपून बसले होते.
(४) फळीच्या पिंपावरच्या टोकाला नानाकाकांनी काय ठेवले?
उत्तर - फळीच्या पिंपावरच्या टोकाला नानाकाकांनी तळलेली खमंग भजी ठेवली.
प्रश्न २. तर काय झाले असते?
(१) नानाकाकांनी उंदीर पकडण्यासाठी पिंजरा ठेवला असता तर....
उत्तर - सर्व उंदीर पिंजऱ्यात अडकले असते.
(२) नानाकाकांच्या शेतात साप असते तर.....
उत्तर - सापांनी उंदीर खाल्ले असते.
(३) नानाकाकांच्या शेतात उंदीर नसते तर....
उत्तर - नानाकाकांच्या शेताची नासाडी झाली नसती.
(४) नानाकाकांच्या शेतात मांजर असते तर...
उत्तर - मांजराने उंदीर खाल्ले असते.
प्रश्न ३. पुढील शब्दांच्या सुरुवातीला 'अ' लावून नवीन शब्द तयार करा.
(१) धीर - अधीर
(२) शक्य - अशक्य
(३) स्वस्थ - अस्वस्थ
(४) प्रकाशित - अप्रकाशित
प्रश्न ३. पुढील शब्दांत लपलेले शब्द शोधा
(१) नासाडी - नाडी, साडी.
(२) कपाळावर - कर, पाक, पाव, पार, वर, रव, पावक, कपावर.
प्रश्न ४. पुढील वाक्प्रचारांचा वाक्यांत उपयोग करा.
(१) अधीर होणे.
वाक्य - गावातील यात्रा बघण्यासाठी श्रेयसीचे मन अधीर झाले.
(२) फस्त करणे.
वाक्य - सौरभने सर्व लाडू फस्त केले.
(३) सामसूम होणे.
वाक्य - रात्री दहा नंतरच गावातील रस्ते रस्ता सामसूम होतो.
(४) कूच करणे.
वाक्य - भारतीय सैनिकांनी सीमेकडे कूच केले.
(५) कपाळावर हात मारणे.
वाक्य - लॉटरी न लागल्यामुळे चंदूने कपाळावर हात मारला.
(६) युक्ती सफल होणे.
वाक्य - दिशाची परीक्षेत चांगले गुण मिळवण्याची युक्ती सफल झाली.
प्रश्न ५. शेरास सव्वाशेर' यासारख्या शब्दसमूहांना 'म्हणी' म्हणतात. तुम्ही ऐकलेल्या वाचलेल्या अशा म्हणी सांगा.
उत्तर -
(१) कोल्ह्याला द्राक्षे आंबट
(२) करावे तसे भरावे
(३) जशास तसे
(४) वरातीमागून घोडे
(५) चोरावर मोर
